Eunice @ Darizi 的文章

近來好多人問我。。。
喂！EUNICE近排點啊，好忙咩？
做咩唔上facebook呀你？
轉左工之後點啊，忙唔忙啊？

哈 哈～其實轉左工之後好開心囉，忙架其實！
不過忙碌嘅工作帶俾我好多滿足感同快樂囉！hehe~~

由四月嘅大日子 開始呢，以後每一期大日子嘅 PRO TALK
都會有我同大家分享一吓有關WEDDING嘅心得喎。
掛住我就買本大日子睇下 啦！kakakakaaa~~~

【大日子】ISSUE 18 / April 2010 – 『PRO TALK』

大日子婚禮統籌團隊現推出以下一站式婚禮服務，每月更推出不同優惠，各大日子會員請密切留意喔！

現今擺酒嘅酒店或酒樓一般都會送埋喜帖。
但由於款式有限，仲會印埋酒店或酒樓上去，
所以好多人可能都會自己到外面再印製喜帖！

但經過多番找尋之後，可能你會發現．．一係就唔夠靚而靚嘅就一定貴！
冇計啦，結婚嘅支出咁大，好多新人唯有左慳右慳 。
有冇諗過，不如試下自己做自己嘅喜帖呢？！
其實都好簡單，而效果仲唔錯tim！！

主要材料：珍珠咭紙、絲帶、水晶
(水晶記得要揀swarovski，因為真係閃ｄ架！ )

先用design好要print嘅字同圖案，然後print上card紙上面

CUT好需要嘅SIZE，將深色嘅放底，
而深色咭紙四邊邊長比淺色大 1CM，
咁貼埋一齊就可以做出layer效果了！！

用兩隻顏色嘅絲帶左一條右一條咁扣住 (代表』緊扣』嘅意思)

放到喜帖頂部嘅位置 (注意左右要balance喔！)

用膠紙在後面定好位置 (繩結要放在中間位置)

用漿糊筆將深淺色咭紙貼好

小心鉀起水晶

到蠟燭將水晶底部嘅膠整溶

整溶咗就可以貼上需要嘅位置喇！！

貼好了！！！！

將帖入落喜帖信封咁就大功告成！！

今日又有新嘢玩，準新人想睇下兄弟姊妹們嘅衫襯行出來有冇隊形的話！！！

快D去呢呢試下你哋嘅dress code先啦～～
紫色我覺得又grand又有型喎，嘿嘿嘿～

呢個網站好得意，各位就結婚嘅朋友，如果唔知兄弟姊妹著咩color？
咁就啱晒啦！呢度可以比你慢慢襯餐飽！ 仲有唔顏色款式嘅衫俾你揀，仲有唔同樣啵！

入去自己玩下啦→Dress Your Wedding

早前同新公司同事一齊出席一個大抽獎嘅DINNER PARTY。
頭獎竟然可以得到價值十八萬八嘅酒席喔！今次合作人真係夠晒闊綽！

YEAH~~~呢個係我嘅名牌啊，走前唔記得拎走佢做留念tim！！

細看周圍嘅環境之餘，我哋成檯人都不斷讚好！
點解？因我只係不斷聽到以下嘅句子．．
『真係幾靚喎呢度』　
『樓底好高呀～～』　
『氣氛好好喎！』　
『野食ｏｋ喎』
『喂～呢舊好食呀！你有冇拎呀？』

講真，酒樓價錢有酒店嘅環境，真係唔錯！
而且可以幫到好多想GRAND而又唔想花費太多嘅新人，
搵到一個又舒服又價錢合理嘅擺酒地方！
睇黎呢次ｄ酒店有強敵了！！！

係咪唔錯呢？？樓底仲要比好多酒店還要高！！

尋日係中式嘅buffet，聽負責人講原來只係二百幾一位！
ｏｋ喎！！！！！ｄ野好食，地方夠闊，而且音響設備一流～～～
希望下次有機會可以再黎呢度參加一次正式嘅婚宴吖！！

＊＊＊ P.S. 由於係 buffet 嘅關係，所以魚翅係任食！！！